محبـــة القلب

السلام ... شلونكم

.

علامهم يران العازة شابين علينا هالايام ؟

.

فووووق شينهم قواة عينهم اهما اللي غزونا و ذبحوا عيالنا و اسروهم و خربوا الديرة

.

و عفسوها فوق حدر و حرقوا آبار و تاليتها يبون تعويض ؟

.

لا و التعويض ليش دخلتوا الامريكان اراضينا "لتحريرنا " من الغبر

.

هاو اول مرة بحياتي اشوف ناس يبون يتمون عبيد و كلنا عبيد الله سبحانه

.

بس قلعتنا هذي يزاة اللي يكرم اللئيـــــم

.

و خل يقنعون بعض نوابنا الافاضل اللي يبون يطيحون القرووض و يبدلونها بمشروعات استثمارية .. شنو اللي يضمن لنا تنجح هالمشاريع ؟ و ليش نرضى بالمشاريع أصلا !!

.

عسى الله يحفظ ديرتنا من شر و يحميها من اعداءه ويرد كيدهم في نحوورهم ان شاء الله

.

------

.

تحلطم

.

منو العبقري اللي قال حطوا هالطابوق بالشوارع اللي يصير جريب من الاشارات و عند دخلة الافنيوز

.

بروحها السيارة متفججة من الشمس الحنانية ما شاء الله تيون انتوا و تكسرونها

.

اتوقع حتى الدول الفقيرة ما تحطه !! عويان بكل شي

.

لا حول الله

------

.

بس خلصت تحلطم

وألحين تمقلوا بهالحجي الزين

enjoy

: )

.

محبة القلب من صوبك محيناها .. و بحوور اللي خبرك فيها نشفناها

بان الجفا منك .. و أطباعك عرفناها

.

ياما سهرنا الليل نكتب أماني كبار .. الكلمة ريحة هيل و الهمسة لمسة نار

أنت البحر لي شقى .. و أنا للشقى بحار

.

مايك نشف بالحجي خلي البجي للغير .. طبعك رقود الضحى طبعي غناوي الطير

ريّح سفينك زمن .. خلني أدش الخير

.

لما يحن الزهر يطلع من أوراقه .. و الطير لما يحن تتناثر أشواقه

والحب منهو مشى .. في خطوة حرّاقه

.

من حب قلبه كبر ضاقت عليه النيوم .. اللحظة عندي عمر و الفرحة عندك يوم

أنا الهوى ماثبر .. أسقي المحبة دوم

.

.

الغناية