التطرف و العنصرية شي كريه واللي يتحلى بهالصفات أعتبره شخصيا واحد منحط أخلاقيا ... ضد قتل ناس أبرياء أيا كان دينهم أو جنسهم ... اللي قاعد أشوفه بالأفلام الأمريكية إنهم وايد مصخوها عن الإرهاب و علاقته بالإسلام ... صح أنا معاهم إنهم يخافون أو ياخذون حذرهم بزود بس لا يمصخونها عاد بأي فيلم يتكلم أو يرمز إلى الإرهاب حطوا أذان و لاّ واحد يصلي !!! يا سلام ... يعني مو معقولة ما يعرفون يفرقون بين الصح و الغلط لهالدرجة ... ناس وايد تقول إعلامهم قوي من جذي وايد ناس قامت تصدق هالفكرة إن أي واحد عنده لحية طويلة أو شكله يبين إنه ديّن يعتبر إرهابي و هالفكرة هذي إحنا ساعدناهم فيها لإن حتى إحنا اللي نفرق بين الديّن و الإرهابي بدينا نصدقهم و الدليل إنك لو تمشي بالشارع و شفت تصرف غلط صار على طول إيي في بالك أكيد ديّن !! طبعا مو دايما بس ساعات تصير
يمكن أبالغ يمكن أتخيل بس مادري إحساس يقول إنهم بدوا يمصخونها ... قاعدة أشوف تناقض في مسلسلاتهم بالذات مسلسل 24 
يعني يبين لك إن اللي بويه المدفع و اللي يسوون العمليات الإرهابية إهما دينين و لحاياهم أطول منهم بس الراس العود أو راس الحية تلقاه واحد أشقراني بو عيون خضر و زرق مسيحي أو يهودي أيا كان يعني اللي يخطط و يرسم اللعبة إهوا منهم و فيهم و يدورون هالخبول العرب أو المسلمين اللي عقلهم ناقص و يعشمونهم بالجنة أستغفر الله جنه الجنة بمخباتهم ... أنا ما أدافع عن هالخبول أنا أدافع عن اللي الديّن باعتدال و ماله شغل بالإرهاب و هالخرابيط ... أفلامهم شي و مسلسلاتهم شي ثاني ....
يعني يبين لك إن اللي بويه المدفع و اللي يسوون العمليات الإرهابية إهما دينين و لحاياهم أطول منهم بس الراس العود أو راس الحية تلقاه واحد أشقراني بو عيون خضر و زرق مسيحي أو يهودي أيا كان يعني اللي يخطط و يرسم اللعبة إهوا منهم و فيهم و يدورون هالخبول العرب أو المسلمين اللي عقلهم ناقص و يعشمونهم بالجنة أستغفر الله جنه الجنة بمخباتهم ... أنا ما أدافع عن هالخبول أنا أدافع عن اللي الديّن باعتدال و ماله شغل بالإرهاب و هالخرابيط ... أفلامهم شي و مسلسلاتهم شي ثاني .... أدري انهم ينتقدون كل شي حتى ظلهم ينتقدونه بس مو بهالمصاخة و أدري مو كلهم بهالسطحية هذي و على فكرة أنا لا ديّنة و لا يحزنون أعرف ربي و ديني عدل الحمدلله
17 comments:
عزيزتي السدرة
كل دولة عظمى تسعى لمصالحها
حتى الدولة الاسلامية بعزها كانت تنظر لمصالحها وتعتبر اتساع رقعتها فتوحات وأبناء الشعوب الأخرى كانوا يعتبرونه غزو
المقصد انه انحطاطنا لا نقطه على غيرنا
واذا كان اعلامهم فيه مبالغة بنقدنا وآنا معاج بهالشي الا انهم مو مسؤولين عن الدفاع عننا
وين اعلامنا؟
وليش ما يرد عليهم؟
ليش صدام العربي المسلم سمع كلامهم ودش الكويت؟
ليش بن لادن العربي المسلم اعترف بالارهاب؟
ليش وليش وليش؟
الارتقاء بدولنا وحضارتنا واعلامنا من مسؤوليتنا ومو من مسؤولية الأمم الأخرى
وشوفي اشلون دول شرق آسيا مثل سنغافورة وماليزيا وتايلند خلوا العالم يحترمهم لانهم احترموا نفسهم
احنا لا حكوماتنا تحترم الشعب والدولة ولا الشعب بالتالي يحترم الحكومات
فاشلون ما تبينا نصير مطقاقة للعالم
فتى الجبل
صدام و بن لادن هذيله أكبر أمثلة عن اللي تكلمت عنهم الخبول و اللي عقولهم ناقصة ... و مثل ما تفضلت إعلامنا و إعلامهم مثل الفرق بين الثرى و الثريا إحنا شاطرين بالحش و نقل أخبار الفنانين و التفاهات و غير الغثى السياسي بس أرد و أقول المشكلة إن حتى بعضنا اللي يفرق بين الديّن و الإرهابي قمنا ناخذ رايهم هذا إرهابي ؟ و لا ديّن ؟ إلا من رحم ربي من أصحاب العقول اللي يقدر يميز الفرق بينهم من غير استشارة العم سام
و على سالفة المطقاقة فإحنا مطقاقة من زمان ... الشكوى لله
سدرة
ترى السبب فينا
لأن الكل صار يستخدم الدين لمصلحته الشخصية والا للقبيلة والا للطائفة
ساعات أشوف المسلسل و الصراحه حلو
ما أشوفه بنظرة هذول يشوهون ديننا و باقي هلأمور
أشوفه كقصه حلو و إخراج و تمثيل حلو
ديننا مو متمسخر على تكلا المسلسل
ديننا متمسخر مننا نحن بالأساس
و بسنا مقاطعه و مقاطعه.... مو منطق
لأ نشوف و نسمع و نتكلم :) و خلنا نسوه شي بالمقابل
الكتاب لا يحارب بالسلاح و إغتيال الكتاب
الكتاب يحارب بالكتاب... فمدان نحن ما نقدر نحارب بالمثل فماكوا أمامنا إلا حلين
الأول ألأخذ بالقوه الإرهابيه و الهجوم عليهم كما يقوم بعض ناقصي الدين للأسف
الثاني نقاطعهم على أمور تمثل حريات شخصيه بالنسبه لهم و لا دخل مباشر للحكومات فيها
دائما الضعيف يجور عليه الزمن و يهان
و نحن الآن ضعاف
و بترولنا لو حرمناهم منه بالله شلون بنعيش
نبيع ترمس :)
إحنا ضعاف ضعاف ضعاف و هذا حال الضعيف
كلامج صح بس ماينلامون
احنا ضلينا فترة من نشوف عراقي بأي مكان نخترع
فتى الجبل
أنا ما أنكرت إن السبب منا
و ما أنكرت إن الدين صار يستخدم لخدمة المصلحة الشخصية ... حتى مكة المكرمة شوف أسعار الفنادق فيها بالعشر الأواخر من رمضان و شوف أسعارهم بعد اسبوع من رمضان ... تجارة دينية ...
!!
بس هم ما يصير يمصخونها و نتمصخر على ذنب احنا المعتدلين الفاهمين المحترمين ما سويناه حتى احنا ما نظلم كل المسيحين وايد فيهم متطرفين ... ليش مطلوب منا إن لازم نفهم و نقدر و نفرق بين الزين و الشين و اهما لي اغلطوا نتحمل الغلط كله احنا !!
rwatan
أولا أنا من المتابعين للمسلسل
ثانيا أنا ما يبت أو حتى رمزت لكلمة مقاطعة أنا مع الحرية لأقصى حد
ثالثا و مثل ما رديت على فتى الجبل ... ما أنكر ضعفنا و لا مشاركتنا باللي احنا فيه
نفس الوقت مطلوب التعاون من الطرفين احنا نصير اوادم و نتعدل و نعدل اعلامنا و نربي عيالنا زين عشان لي كبروا لا يصيرون ارهابيين و هم اهما المفروض يميزون بين الديّن و الإرهابي
شكرا لمداخلتك القيّمة
:)
حمودي
والله انا من اشوف عراقي ودي آخذه وأطلع عيونهو اصب عليهم الحمض اللي يذوب اللحم مثل ما سووا في خالي الله يرحمه و يتموا ولده اللي ما شافه ... لكن ما نقول غير حسبي الله و نعم الوكيل
الأمريكان صنعوا الارهاب و لبسوه غيرهم
كله مطقوق
ما اقول غير مالت على الباميه ....
والله قميظه على الباميه إلا مالت على هالخبول و العقول الناقصه
الله يرحمة انشاله
حمودي
آمين و يغمد روحه الينة
الأمريكان يتميزون بعدم مقدرتهم على فهم باقي الشعوب و الحضارات و ما فشلهم في أية دولة يحطون فيها إلا أكبر دليل فهم لا يعرفون إلا منطق القوة بعكس الأوربيون الذين يحاولون فهم باقي الشعوب و التغلغل داخل موروثاتها و إستغلالها. لذا فالطرح السطحي ليس بمستغرب
لكن لم التركيز على الشرق الأوسط؟ السبب هو نفوذ اللوبي الصهيوني. 9 من أكبر 10 ستوديهوات في هوليوود مملوكة ليهود
قبل أسابيع قامت أحد الممثلات بإطلاق نكتة عن اليهود في رنامج تلفزيوني مباشر إضطرت بعدها الى إطلاق بيان صحفي على الفور و قالت فيه إنها تشعر بالخطر على مستقبلها الوظيفي
نفس الشئ حصل لميل غيبسون .. و مارلون براندو إنتهى مستقبله رغم موهبته بسبب موقفه من إسرائيل
حتى أوبرا الخالة تحاول التلزق في اليهود
:)
اي و الله مصخوها .. انا متابعه قبل فترة و تعجبت من كثر ما شغالين ضغاط بالعرب فيه
هذا غير الافلام الي قطعتنا تقطع مثل سيريانا و ذا كنغ دوم
قبل كنا ما نفتهم عليهم و نسكت بس ترى احنا الحين نفهم و نعرف انكليزي احسن منهم بعد و فرنسي و بلجيكي بعد
و اعتقد السبب بكل هذا انهم يلقون خبول عرب يشترون افلامهم و يروجون لها و يشوفونها
لو نقاطع هالافلام و الله خسايرهم بتعورهم
حلم جميل بوطن أفضل
بالضبط اليهود مسيطرين على كل شي ياليت بس الأفلام و الإعلام ... أيام الدراسة هناك مرة كتبوا بالجريدة إحصائية اللي متذكرته و ما نسيتع إن اليهود يشكلون نسبة 2% فقط لا غير من سكان أمريكا !!! هذيله بس 2% و عافسين الدنيا و إحنا أمة المليار أو أكثر حدنا بس نحرق أعلام و مظاهرات !!!
ابن زيدون
أنا ضد المقاطعة بأي شكل من الأشكال بالعكس المفروض نتابع و نحلل باهتمام عشان لي صار عندنا جيل مفكر و قادر على الرد يكون عنده خلفية ملمة باللي صار حتى لو كانت من مسلسل أو فيلم أو حتى دعاية
أنا أتبع المقولة هذي " حريتك تنتهي بمجرد المساس بحرية الآخرين" ... يعني لهم مطلق الحرية بالتعبير بس و تحتها مليون خط باعتدال و رزانة و عقل
من أجل الكويت
لتصل الرسالة
مشاركتكم ضرورة
http://beit-elgrain.blogspot.com/2007/11/blog-post_09.html
Post a Comment