آآآآآآآخ يا قلبي .... و حرة يا عذالي هذا حق اللي ما يعرفه وزير الداخلية في دولة الكويت
حبايبي ... الله أنعم علينا بنعمة العقل ... و القلب
في مواقف تتطلب أنك تحكم عليها من عقلك و مواقف تتطلب القلب و الموقف اللي صاير ألحين يتطلب العقل و القلب مع بعض ... القلب من ناحية نرأف بحالهم لأنهم أوادم حالهم من حالنا و نوفر لهم سبل العيش الكريم
.
العقل أحكم العقل هني ليش ؟ لأني راح أعطيهم مكان حساس بالبلد ألا وهو أمن البلد إذا اللي يوفر الأمن مو من عيال الديرة بالله شلون أثق فيه؟ إذا من عيال بطنها و شايفين خير كل من ينهب فيها من صوب شنو تتريون من ناس قطوا جناسيهم و خانوا ولائهم لموطنهم الأصلي ؟
يا ناس هذيلا راح يصيرون بالشوارع باجر يوقفني شلون واحد مقيم غير قانوني يحاسبني على تطبيق القانون ... خلصوا الوظايف بهالبلد عشان أعطيهم الداخلية ؟ مو كافي البوق اللي قاعد يصير من عيال الديرة؟أنا ما قلت أقطع عيشهم لأ ... بس اللي أقوله نعطيهم و ظايف ثانية و لحد يقولي بالله تبينه دكتور و لا مهندس ... منطقيا ما يقددرون و اللي يقدر فيهم قلة ما ينعدون أنا أقول ليش ما يصير لحام؟ مندوب؟ مراسل؟ صباغ؟ يبيع بمحل؟ هذي شغلة شريفة و مافيها خوف بس ما أعطيه الداخلية
.
و تبون الصج؟ الصراحة حتى احنا شنو ذنبنا إذا اباهتهم قطوا جناسيهم ؟أنا شكو إذا ابوه ما فكر فيه أنا أفكر ؟عمره 20 و لا 2 مو مشكلتي الصراحة الردى كله من الحكومة الرشيدة اللي بغت تكحلها عمتها
ملاحظة أخيرة: الحكومة الدايخة عارفة منو اللي يستاهل و منو اللي يستحق الجنسية بس من رداتها خلطت الحابل بالنابل و كلامي اللي فوق حق فئة معينة و هم الأغلبية
.
ما أقول غير حسبي الله و نعم الوكيل
بذمتكم و عليكم الله هذيلا أشكال أمن و نظام ؟
حسبي الله و نعم الوكيل
شكلي من الساعة 6 أنا بالبيت شيطلعني بالليل و توقفني هالأشكال
46 comments:
شيء محزن ان يحصل هذا في الكويت
أن نرى ناس عايشين حالة يأس كهذه في بلد الخير، حالة يأس واحباط تجعلهم يتدافعون ويتنافسون في سبيل الحصول على وظيفة مثل هذه.
الله يفرج عنهم
والله يسامحنا اذا كنا مسؤولين عن أوضاعهم.
هذا مستقبل الديرة
وممكن تسمينه الفوضى الأمنية
قطوا جناسيهم ...يعني ما عندهم ولاء
عايشين على المخدرات والبوق...يعني حرامية
والحين بيدخلونهم الشرطة
عاش الأمن
عاشت الفوضى
واحنا مو مسؤلين عن أوضاعهم ولا قلنا لهم قطوا جناسيكم
ولاحنا مستعدين نجنس أي واحد
التجنيس يكون لللي تستفيد منه الديرة
هذيلا شنو بنستفيد منهم
دمار الديرة وخرابها
ابشرج هذيل كلهم بتشوفينهم رمضان الياي كممثلين او كمبارس مع نايف دينيرو
الله يستر
ولا يصير حاميها حراميها :(
احنا عيال الكويت ومالهم ولاء لديرتهم اشلون على هذيل...لا ولاء ولا بطيخ
مساكين
لا أدري لماذا لا يتم فتح الباب لهم في باقي الوظائف
salah
اهما اللي يابوه حق روحهم من قالهم يقطون جناسيهم ؟ يبناهم و نسيناهم ؟ و لا نكد على عميان
الردى من ... ماني قايلة
الشكوى لله بس
فتى الجبل
معاك بكل كلمة
الله يستر على هالديرة بس
فريج سعود
مو كافينا غثى النماين اللي كل سنة و الثانية طالعين هالدور ذولي
لا و محسوبين علينا كويتين
سليحط
bu jassem
اي والله صاج إذا عيالها قاعدين ينهبون شلون هذيلا لا أصل و لا فصل
حلم جميل بوطن أفضل
و لا أدري ليش ما يطلعون جناسيهم بدل هالمذلة اللي حاطين نفسهم فيها
هذاك موضوع آخر. لكن هذا التدافع من أجل عمل شريف يسترزقون الله منها و يطعمون أطفالهم اللقمة الحلال
يجب أن نحترم هذا الشئ
بالعكس أنا أرى الصور بعكس ما ترونها. حرام ما يحصل لهذه الفئة
هناك العديد من الوظائف التي يمكن أن يشغلها البدون مثل المراسلين و الطباعين و السواقين و حتى اللحامين و النجارين
أحسن من باقي الفئات التي جلبت أمراضها و شرورها الى مجتمعنا حتى أصبح الكويتي يحس بالغربة في يعض مناطق الكويت
مع احترامي للبدون
لكن ناس صارلهم تليون تعش مظلومين وجذيه تعاملونهم لما يقدمون على وظيفه بالسلك العسكري
بذمتكم شلون بيبردون حرتهم
حلم جميل
أنا ما أمنع الرزق الحلال بس اللوم مو كله علينا هم عليهم ساهموا بهذا الوضع وغلطنا احنا عطينهم أخطر مجال ممكن يشتغلون فيه( اللي هو الداخلية ) حتى لو شغلة إدارية بهل الموقع الحساس
و مثل ما تفضلت ممكن يشتغلون نجارين لحامين مندوبين مراسلين بس شفيها لي طلعوا جناسيهم ؟ مو كفاية انهم الموزعين الرسميين للمخدرات و الدعارة
نتحمل أخطاء غيرنا أنا ما خليتهم بدون...
معقولة طلعوا جذي ؟ فقع؟
لا حرام و لا شي بس حرام على الكويت و اللي يصير فيها من اللي ما يخاف الله
barrak
ما خليناهم بدون اهما و بكامل قواهم العقلية
قطوا جناسيهم
محد طقهم على ايديهم و لا احنا مسئولين عنهم و الردى كله من حكومتنا الرشيدة اللي لما يت تعدل الوضع عطتهم أخطر مجال و هو أمن البلد جنهم يقولون لعبوا فيها على كيفكم
ووزعوا المخدرات مع امتيازات أكثر
صورة معبرة عن حال هؤلاء و ما خفي اعظم...شلون يبطلون الباب على مصراعيه لهؤلاء اللي نصهم عليهم ملفات جنائية و قضايا
احنا بروحنا مبتلشين بشرطتنا اللي اهما منا و فينا و هالمرة بيبون لنا شرطة بدون..يعني اخذ نقص شخصية و هياط بالشوارع بعد تعليقهم للرتبة او لبسهم للبدلة..انا اقترح انا نسوي نفس الإمارات و البحرين نييب شرطة هنود و بنغال وايد ابرك و احسن عشان مانعرف شي اسمه واسطة او قبلية و هذا من جماعتي و هذا ولد خالتي
اهم شي البطل اللي لابس احمر و ماسك الباب عجبتني قذلته المدهنه و يبي يصير شرطي..انا اقترح عليه يسوي برنامج بقناة فلاش وايد ابرك له
@@
شنو هذاا
@@
من صجهم؟
!!
يبونهم شرطه بعد؟؟
صدمتيني !!
لا بالله عينا خير
اقصد شر
عتيج الصوف
ابشر بالخير قبل شرطتنا منا و فينا و عافسين الديرة هالدور بدون لا بالله كدينا خير
و بو قذلة مدهنة هذا ستايل يديد علامك
selezya
المهم انتي شلونج ؟
يجب أن لاننسى أن أمهاتهم كويتيات وهذا شرط للتسجيل والصراحة كافى مذلة للبدون والا أحسن أن نشوف عيالهم عند الاشارات يطرون ؟؟؟
امبي هالشي صج؟
يعني منصجهم جييي
والله حتى الحج ارتب ليش ؟؟
تصدقين تصروعت بمكاني امبيي لا والله الله يستر عل الدييره
عورني قلبي
مشكوره على البوست
Salamz...
سدرة
هذولي أعمارهم على 18 و 19 سنة. مالهم علاقة بأخطاء آبائهم و ما يصير أحمل عيالهم و عيال عيالهم جريرة هذه الأخطاء
ماذا تتوقعين أن يطلع منهم؟ علماء صواريخ و لا فيزياء نووية
حرام خلوا بقلوبكم شوية رحمة .. و هذولي موجودين بيننا و في ظهرانينا .. الإحسان يولد الإحسان و الكراهية تولد الكراهية
اختي سدرة
مثل ما قال حلم هذيل اعمارهم على 18 و 19 و 20
ما يصير نقول طلعوا جناسيكم و نحاسبهم على غلط ابهاتهم
شنو ذنبه اذا ابوه غلط و خش جنسيته
يعني هل الحل اني ما اخليه يدرس نفس الناس ولا يتعالج نفس الناس ولا يعيش نفس اي بشر
تدرين ان الوزارات متروسة من الأجانب و هالبدون المساكين مو لاقين مكان يتوظفون فيه ولا قادر يشتغل شغلة شريفة يوكل اهله منها
اذا تقولين صاروا تجار مخدرات و قاموا يبوقون و يسوون جرايم
باسالج مو السبب البطالة ؟
لما اخلي واحد بو 26 مو قادر يتوظف ولا يعيش و لا يدرس ولا ينام نفس الناس ولا يسكن بمكان صالح للعيش و اقول لو سمحت اخوي ترى البوق عيب و حرام
بالله هذا منطق ؟
ميخالف معليش شوي اشتطيت بس همن غلط نشوف الموضوع من نهايته و نقول لا ندخلهم الشرطة
شوفي مناطق البدون بالصليبية و الجهرا و شوفي شلون عايشين بجينكوات و عشيش حتى البنغالية بالحساوي عايشين احسن منهم
في ناس منهم غلطانين ..اي وايد منهم غلطانين و خاشين جناسيهم معاج انا ..بس ما يصير اعالج الغلط بالغلط
.
.
همن سامحيني على اني اشتطيت و تحمليني شوي :)
طلب الرزق حق مشروع لأي انسان
لكن ليش هالمصخره الي صايره
اول ماشفت الصور قلت ياهوشه او مظاهره
الامن يتطلب النظام وبهالصور ماشوف اي معنى للنظام
اتمنى على الاقل يسنعونهم بالدوره
والله يستر على الكويت
من زمان واحنا نقول المستحق عطوه الجنسية
والغير مستحق خله يطلع جنسيته أو اشتروله جنسية وتنتهي المشكلة
والله العظيم براك قط تعليق على انه قصير بس مهم جدا جدا جدا ادعوا الكل الى التمعن فيه
=====================
اسمحيلي بعيد تعليقي اللي علقته عند سيليزيه لأن موضوع متصل
======================
بداية لازم نتفق على أشياء معينه
البدون ماهم فقع لكن هالشي ينقلب عليهم مو لهم
بمعنى اخر..من وين يايين؟
ياجماعه المطالبه بالتحقيق معاهم واعطاء القله القليله منهم الجنسيه لايعد عنصريه او غرور او تكبر
ناس عاشوا في ارض من عمر الدنيا على حلوها ومرها واصولهم صارت فيها لين الديره صارت غنيه والكل عينه عليها
اييون ناس من كل صوب ويقطون جناسيهم علبونا احنا طيبين وبنخليهم يقعدون وبنجنسهم..اخرتها يبون يزاحمونا على خيرنا ونرضى عشان لانكون عنصريين؟
مافيها عنصريه هذا حقنا وهذي ثرواتنا مولازم نجنس المصري والسوري والعراقي واليمني والليبي والسوداني عشان نكون انسانيين! احنا اصلا قاعدين نساعد بلدانهم بملايين ومليارات مايت على القله الموجوده عندنا لكن الله حق وهذي حقوقنا مافيها عيب
اذكر مره اسمع البي بي سي ينقلون عن كاتبه بريطانيه تقول..لا..الكلام عن الوافدين ليس بعنصريه!
تخيلوا..وافدين..واغلبهم اصحاب شهادات وهم مو عنصريه وانا معاها
معليش بس ترا محد ودانا وطي ايام الغزو وقبله وبعده غير طيبتنا وسذاجتنا الكل عندنا طيب وعلى نياته واهو ماهمه الا ياكل خير بلدنا والدليل اللي جنسوهم اخر شي شوفوا الطراره عند باب المجلس والعلاج بالخارج
على قولة "عراقيــــــــــــه" بلندن شافت كويتيين تقولهم يابا اني جايه على حساب النافط (النفط)
وانتوا قعدوا معيشه غاليه ولامعاش نفس الناس ولاتقدير وكراف واخر شي تقولون مساكين
سلام
لا حول الله
لما شفتهم بالجريده لاعت جبدي طول اليوم
ةالحين اشوفهم عدج شكله راح اموت من اليوع لاني مااقدر اكل
قوليلهم والا اكو احد بالعالم يحط هذيل بالشرطه يا ناس يا عااالم اقروا الجرايد كل يوم بدون ذابح بدون مهرببدون يتحرش بدون يخطف
اخرتها حاطينهم بالشرطه
بروحهم شرطتنا مو مترقعيييين زايدين النار حطب لييييييييش
اللهم لا اعتراااااااااض
لم أكن أرغب في تحوير هذا الموضوع لكن بما إن متفائل قد فتح الباب فلم لا؟
كنت أود أن أقول هذا الكلام لكن ترددت. من يقطع الرزق عن الناس و يحرم الزواج عليهم و العمل الشريف و السفر .. ماذا تتوقعون منه؟
كيف سيطعم عائلته؟ هل زار أحدٌ منكم هذه العوائل؟ هل رأيتم الشعبيات و من إتخذ السماء لحافاً في البر؟
هل يرضيكم هذا الشئ في بلد الخير؟
نستجلب أرخص الخدم لتربية أطفالنا و هي أعز ما نملك .. نعم هذا واقعنا نحن الكويتيين .. فلم نستغرب إن أعطينا أمننا بيد البدون؟
الجيش نصه بدون .. شهداء 73 بدون .. شهداء محاولة إغتيال الأمير بدون و لم يتم تجنيسهم
دكاترة بدون .. معلمين بدون
من أوجد هذه المشكلة؟ هل خرجوا فقع من الأرض يعني
نحن من يتهاون بحل مشاكلنا .. نحن من يحمل تلك الفئة فشلنا .. فشلنا جميعاً
عندما يرى خليجي هذه الصور فلن يضحك على البدون .. بل سيضحكم عليكم أنتم أيها الكويتيون
و ما يحصل الآن لا يقبله لا قلب و لا عقل
سؤال .. ما الذي يمنع أن يتم تطبيق ما تفضل به فتى الجبل في المداخلة اللي فوق مداخلتي هذي؟ و على الفور؟
الحين الدوله مو راضيه تعطيهم جناسى و بكل سهوله يصيرون حماة الوطن
افهمها شلون؟؟؟؟؟
العرزالة
محد قالك جنسهم بس محد قالك يوعهم و لا تخليهم يتزوجون
الضغط لا يولد الإنفجار و لمن يقول لماذا علينا الإهتمام أقول علينا الإهتمام لأنهم يعيشون في مجتمعنا و نحن سنتأثر من أفعالهم إن إخطئوا هنا او هناك
لنفكر بعقلانية بعيداً عن العناد
هذه المشكلة هي مشكلتنا و ليست مشكلة كوستاريكا
حياتهم طلها غير قانونية بيعرف يطبق القانون الحين ؟
قواج الله حجية ويعطيج الف عافية على هالبوست
حقيقة بردتي جبدي الله يبرد على قلبج دنيا وآخرة
والله ياوخيتي عساهم يصيرون رواد فضاء بس كله إلا الدفاع والداخلية
وايد حلو موديل مدونتج معمارية
ما يندرى يمكن يوم من الأيام نشتغل سوا :)
بوساتي لج ***
مع الحلم الجميل بكل كلمه
وين الرحمه يا ناس...حتى لو بعظهم خشوا جناسيهم مو لازم نعمم على الكل
شهداء 73 بدون بس ماتذكرون غير بطولات فهدالاحمد و ان كان بحرب 73 بالصفوف الاماميه!
شهداء موكب الامير قبلان و لافي كانوا بدون..لولاهم الله اعلم شنو كان يصير بالديره!
زمان عجيب
ماذنبهم هم .. ؟
انولدو جذي وبهل أرض ؟
ماكو حل
اذا حكومتنا مالقت حل لهل مشكله .. اشتبينهم اهما يسوون؟
واهما مايعرفون غير ديره وحده؟
انا اتفق معاج انه وايد منهم شقو جناسيهم بايدهم .. لكن لو انا انولدت لأب غبي جذي ؟
شنو ذنبي ؟
مو لازم اعيش ؟
طبعا اختلف تماما بدخولهم السلك العسكري .. المفروض هذا يكون آخر الخيارات
لكن الهجوم عليهم كفئه كامله .. ظلم للكثير منهم .. خصوصا من الجيل الصغير منهم
الله يعينهم
اي والله اخخخ
والله كنت متحلطمه عدل بالبوست بس غيرته
بس شنسوي مايحسوونولا هذا من صجه على هالحركه؟
يهال؟
حمدلله والشكر
الي قاعد يقول حرررة...من صجكم هذا وزير؟؟؟
انزين اهو باي صف ..ممكن احد يفيدني
صرنا جمهورية شرررم برررم
للأخ حلم جميل ولباقي الاخوان
اعتقد وجهة نظري ماوصلت صح
كتبت كل شي بمدونتي وعصرت الافكار
:)
أرى بأن الصور مؤلمة فعلا فهي تبين قلة الحيلة وقلة الرزق
فمن سيرضى أن يعرض نفسه للسحق بين الجموع إلا إن كان قليل الحيلة في كسب رزقه
هذا ما فسرته لي الصور ليس إلا
:)
يا السدرة
المفروض تقولين ليش ما حلو مشكلتهم من زمان
اللى يستحق
ياخذ
واللى ما يستحق يتم ترحيله
في بداية التسعينات طلبت اكثر من دولة خليجية استقطابهم ورفضت الكويت
بحجة انها صرفت علي تعلميهم
وتدافعهم لانهم يدرون انها فرصة العمر وما راح تتكرر لهم
ومثل ما قال البعض
-- احد شروط القبول ان تكون الام كويتية-
وبعضهم عندهم وطنية وولاء حق هالبلد اكثر من الكويتين نفسهم
هذا الوزير
والا
ياهل بالمدرسة؟
e9ra7ah Shia M7zen Ely yStweelkm !
Ento Gadreen Enkm Trdon a7Ssn Mn Awl !
o 3maaR Ya Q8 : )
AsJel En'9maamy Lehay il9aF7a ilMetmyza !
اذا هذولا اصولهم
الي احنا نعرفهم
الله يعين الكويت
متى تروضهم ؟؟
هذوله الي قلبوا تركيبة
اهلنا ..طبعا لابد
ان نقول بعضهم!!..صعب تقويمهم
ندعوا الله ان مو الاغلبيه
فمالله
بصراحة اللي يتوقع ان مئات من المراهقين بنظمون نفسهم بنفسهم ما يشوف شر
يبا الشرهة على وزارة الداخلية اللي مو قادرة لا تنظم الديرة ولا قادرة تنظم نفسها
الشغلة الثانية
ترى هذيل ابناء كويتيات
يعني على حسبتكم نص ولاء حق الكويت مضمون
اخر شي
اللي يعتقد ان جلب شرطة اسيوية احسن من ابناء الكويتيات هم ما يشوف شر
على الاقل هذيل مواليد الكويت و مالهم ذنب ان ابهاتهم "قطوا جناسيهم" وماتوا
هذى لعبه نهايتها احمد الفهد وزير الداخلية
فضلا عن ان مالهم ولاء لبلدهم ورمي جناسيهم مثل ما ذكرت الاخت سدرة العشاق , تدرون جم واحد فيهم حاقد على الكويتيين ؟ بسبب التجنيس بسبب الوظايف بسبب الفلوس الي مانشوفها وهم حاسدينا عليها ! يعني مو بعيده باجر يأذون الشعب بحكم انه رجل وامن وعنده صلاحية مثل ما قاعدين انشوف الحين اذا الشرطي مو عاجبه شكلك صكك مخالفه , اذا البنت ما دقت عليه يسحب ليسنها ويهزئها بالشارع جدام الناس ... يعني باجر واحد قط جنسيته او الله يعلم شكان يسوي قبل او اليوم ايي يصير رجل امن وانطيح بايده ؟
فكروا عدل ترى المسألة جدا مو هينه
Post a Comment