زمن العجايب

من القمته طرت على بالي قصيدة دايم السيف

.

يـا زمــان العـجايـب وش بـعـد مـا ظهـر

كـل مـا قـلـت هـانـت جد علمٍ جـديـد

إن حـكـينا ندمـنا و إن سكـتـنـا قـهـر

بـين قـلـبٍ عـطيــب و بـين راسٍ عـنـيد

لو تـفـيـد الـمدامـع كـان اسيـّل نهر

مـيــر كثر التوجّد و الدمـع ما يفيد

أصـبـر أيـام و أشـهـر و أتـصبّر دهـر

وإن حصل لي مناتي جيت لو إني بعيد

أرجـي الله و أراقـب كـل طـالـع شـهـر

يجـلي الهـم عـني أو عـسى ما يزيد

يا غـزالٍ فـضوح الزّيـن عـنه اشـتهـر

في عـيوني مـلاك ووسط قلبي وحيد

مخـطـي الـلي يشـبّه وجنتـك بالزهـر

الزّهـر مالـه رماحٍ تصيـب و تصيد

لو جـحدت المحبــة سقـم حالي جـهر

ميــر ما كل قلبٍ يـاصل اللي يريــد

.

صح إلسانك يا خالد الفيصل

و الشكوى لله