ها نحن عدنا

السلام عليكم
شلونكم عساكم بخير ...
هذي صور سفرتي و بتعرفون وين رحت مكان الواحد يغسل قلبه فيه و ينسى الدنيا كلها
عسى الله يرزقكم روحة لهالأماكن إن شاء الله
.
تفضلوا
.

.

هني تونا مخلصين من عمرتنا

.

.

صورة ثانية من بعيد

.

.

هني اليوم الثاني و ماشاء الله الكعبة فاضية مافيها أحد بس صوب الحجر زحمة

.

.

هني قاعدين على الدري انا و أمي شمس ماشاء الله طفنا شوط واحد و ردينا

.

.

رحنا المدينة المنورة من زماااااااااااااااااااااان ما رحت لها ... ماشاء الله شرحة و اهلها ويوهم سمحة الله يهنيهم و نظيفة و شوارعها راهية عكس مكة سبحان الله

.

.

و هذي صورة ثانية داخل المسيد صوب الحريم

.

ملاحظاتي

.

مادري شقول بس اللي استغربت منه بمكة انه هالبني من يطلعون من الحرم و تكرمون لبسوا جواتيهم و إلا كل كعب على هالطول !!! هاو شلون فيج حيل تلبسين كعب انا والله بالسعي من أول شوط اقعد بعربانة ما أعبر و هذيله ماشاء الله عليهم كعب مو بو سم لا سنيتين لاااااا بو 5 و 6 سم ياربي ما تفرقون بين حرم و بين تسيورة و بين سوق و بيت؟ الهدوم تكرمون الجواتي غير

.

انا قلت يمكن فقارى ولا جنطة غوتشي و لا إل في هاو ... يعني عندهم فلوس يشترون جواتي ما تطقطق بعد مافي مجال تشيحطون على خلق الله ... على فكرة ما قصدت الجناط قصدت الكعوبة

.

الشي الثاني بالمدينة الحريم ما يدخلون عند الروضة الشريفة إلا بثلاث فترات و الرياييل مفتوحة لهم 24 ساعة مو هذا موضوعنا بس الله لايوريكم شلون الحريم يوقفون عند الباب من يبطلون الباب يركضون ركض عشان يحصلون مكان يصلون فيه بالروضة و طول ما اهما يركضون اكو رياييل واقفين يشوفون خبال الحريم اللي رافعة عباتها و مطلعة السيقان و الغطوة على وييها بالله وين تركب هذي ؟

.

و من يوصلون هناك ... ناس فوق ناس ليش جذي ؟ والله بالحج يوم رحت ما كانت الزحمة جذي !! عادي و انتي تصلين و بسجودج تيي وحدة و تبرك على راسج و ياليت تقوم تخنقج ... نفس ما صار وياي قاعدة أصلي بالصفة الثالثة يوم سجدت و اللي تيي وحدة الله يسامحها تبرك على راسي والله حتى نسم مافي ماقدر ارفع راسي لو ما امي دزتها جان مت !! من حلاة الروح يوم قامت قعدت أتشهد و لقيت نفسي بالصفة الخامسة شلون الله أعلم !!! شنو هذا !!!

.

و المرشدات هناك عيزوا يعطونهم دروس لازم توقفين بوقار و خشوع و ما تأذين غيرج بس من يسمع صج اللي يبي يجاهد يروح صوب الحريم و الله الرياييل وايد اسنع

.

و من سواياهم حتى قبر الرسول عليه أفضل الصلاة و السلام و قبر بو بكر الصديق و الفاروق عمر بن الخطاب ما شفناه مغطينا زين شذنب العجال اللي ما يسوون شي ... الله يهداكم بس

.

اتوقع ألحين عقب هالقرقة هاذي كل الذنوب اللي راحت ردت لول بس صراحة من حر ما في قلبي والله

.

و هم ارد و اقول عسى الله يرزقكم روحة لمكة و المدينة ان شاء الله

.

حفظكم الله

.

.

.