.
اللي مايدري شسالفة ... يشوف الحلقة اللي عن مجلس أمة 2008 اللي بالراي
قابلوه مع محمد الصقر
الحلقة كل يوم بالليل يحطونها و المذيع يقابل مرشحين او نواب سابقين على الراي
.
.
مقتطفات من المقابلة الودره ... مشكورة يابنت الشامية
.
.
الطف شيئ بالمقابلة
يوم قال السعيدي ليش ما تتكلمون عن انتخباتكم الفرعيه بديوانيه النيبارى مو سقط الشايع....؟؟؟؟
والا نسيتوا الفرعيه بالعديليه ... شترد عليه بالله ؟
.
=====
.
من أقوال السعيدي العظيمة
امريكا بكبرها عندهم انتخابات فرعيه ...الحين بين اوباما وهيلارى كلينتون جان يساله المقدم يعنى بين قبيلة اوباما وقبيلة كلينتون
.
======
نصيحه من قلب من بنت الشامية و من سدرة العشاق للصقرلا تقبل بمثل هالمقابلات مع نوعيه مثل السعيدى....لانها يمكن تضرك لانه ينفعل بسرعة ولانه من صج يطلعون الانسان من طوره
وهذي زياده مني ... و لأنه قليل أدب يسب و يجرح و اسلوب سيء ... و شايل بقلبه على عيال العوايل !!!
و مثل ما يقولون من شاف أوله عاف تاليه
قبل لا يدش المجلس و إلسانه يلوط أذانه عيل لي فاز شبيسوي ؟ يمشي و يكفخ ؟
.
.
أدور إذا في فيديو و لا شي و أحطه إن شاء الله
آسفين على المغثة
67 comments:
صراحه مادري شسالفه :)
شسالفة؟
سدرتنا منو هذا
بعدين ليش تنقهرين
حياتنا صارت طبق سلطه
هالبرنامج كوبي بست من برنامج يطلع على سكوب
ونفس برنامج بعد يطلع عالعدالة ونفس الضيوف
الله يلوع جبودهم
سديرة والله صج مالومج اذا انقهرتي بس خلج عالراديو ومارينا اف ام لوووووول عالم ثااني ماجنة البلاوي بديرتهم ضحك وضغااط ومصخرة
@@
شسالفه
الطف شيئ بالمقابلة يوم قال السعيدي
ليش ما تتكلمون عن انتخباتكم الفرعيه بديوانيه النيبارى
مو سقط الشايع....؟؟؟؟
والا نسيتوا الفرعيه بالعديليه
لوووووووووووول
مسكين ما ادرى من اللى قاص عليه ومفهمه جذى....والنيبارى شعليه من الشايع....اختلطت الاسلاك عنده فقير
=====
وما عندهم الا سبع عوايل تتجكم الكويت
=====
امريكا بكبرها عندهم انتخابات فرعيه ...الحين بين اوباما وهالرى كلينتون
جان يساله المقدم
يعنى بين قبيلة اوباما وقبيلة كلينتون
=======
حافظين هالكلام ويسمعونه بكل مكان
حتى ما يحاولون يفكرون ويفهمون شيقولون
=====
ارتفع ضغطى ....اذا هذا نجح وصار نائب
كاراااااثه على قبيلة قبل الكويت
======
نصيحه من قلبى للصقر
لا تقبل بمثل هالمقابلات مع نوعيه مثل السعيدى....لانها يمكن تضرك
لانه ينفعل بسرعة ولانه من صج يطلعون الانسان من طوره
وين ما تقدرين تحطينه شوفه اهني؟؟
وسلامتج من القهر خيتووو
salamz sis...
q8i_blogger
بوتشخيص
bo rashed
البرنامج يحطونه بالراي بالليل
و المقدم اييب اثنينه من مرشحين أو نواب سابقين أو بنزلزن روحهم بالانتخابات الياية
و البارحة كانت المقابلة مع محمد الصقر و حسين السعيدي
و كان اسلوب الثاني سيء لدرجة انه قال للصقر تخسااااااا و ما يخلي الواحد يتحجى و يقاطع الصقر و هذا كله بصوب و ردوده التافهة و تبريراته للفرعيات بصوب
و كان يحاول يهمش دور ابناء العوايل الحضر و جنه محد بنى و عمّر الكويت إلا البدو بروحهم !!!! و بالنسبة كل واحد كان له دور في تعمير و ابراز اسم الكويت عالي بس منو تحاجي
آآآآآآآآخ يالقهرررررررر
و سلامتكم
و آسفة لعدم التوضيح لأني كنت محترة و منبطة جبدي من اسلوبه و منطقه و هذا اللي بيمثل قبيلته والله فشلة
وردة حب
الشكوى لله يا اوخيتي
mok
sorry
ما وضحت بالبداية
و بس الزبدة انه واحد قليل ادب بينزل انتخابات 2008
بنت الشامية
يعطيج ألف عافية و اسمحيلي آخذ تعليقج و أحطه بالبوست
و الشكوى لله يا اوخيتي
5roofa
الله يسلمج من الشر حبيبتي
أدور فيديو و لا شي و أحطه ان شاء الله
وسعي سدرج
:)
زين بينت مايته من الحين
والله مايستحون
هذا مستوى نواب
وفعلا المفروض الصقر
مايرضى بهالمستويات
فيهم حقد دفين على أهل الكويت
ودائما يعتقدون أن أحنا خذينة من الكويت ومه ما خذو
وجنة الكويت كيكة
ويا بعد عمري يا كويت
للأسف حسين السعيدي حاقد على الحضر بصورة مو طبيعية
من مقولاته أيام استجواب نورية الصبيح في ندوة اقامها..ونشرتها عالم اليوم:
"دققوا على الكلمات فهي تكشف مافي النفوس وتبين شكثر الريال قاعد يشيش البدو على الحضر"
========================
ان حادث العارضية ان حدث بالمناطق الداخلية لكان موقف الحكومة مختلفاً تماماً
====================
ينظر لنا البعض اننا مواطنون من الدرجة الثانية لا نتمتع بأي حقوق أو مزايا
======================
ولكننا نرى الآن طالبة تدنس كتاب الله عز وجل ورغم ذلك كان رد الفعل ضعيف للغاية لا يتلائم مع الحدث وهو دليل على ان هذه الطفلة وجدت في بيئة غير صالحة القارنة بطالبة الجهراء التي كتبت «أنا أحب بن لادن واكره اميركا» وبالرغم من انه رأيها وحرية الرأي مكفولة ولانها من منطقة خارجية حيث تعد من ابناء القبائل الا ان نورية الصيح حولتها إلى أمن الدولة
========================
وبالمقارنة بين بنت الجهراء وبنت المنطقة الداخلية وموقف الوزيرة ندرك انها تستحق حجب الثقة
=========================
هم أهل العنصرية والدليل اقاويلهم البدو يرغبون في استجواب بنت الكويت بنت الصبيح؟
ذكرتيني فيه اذكر خذيت عنده ماده وكان توه بادي شغله السياسي اذكر قال منو يقول ان فرنسا ام الديمقراطيه جان ارفع ايدي ودار نقاش بيني وبينه على الموضوع نقاش وايد طويل المهم اخر شي سكت اذا طالب عنده سكته اشلون واحد له باع طويل بالسياسه
وبالنسبه لموضوع الحضر والبدو لا ننكر الي صاير بينهم والنظرات الدونيه من كلا الطرفين مع الاسف
واذا كان جليعب غلطان هذا لا يسوغ لنا الدفاع عن الصقر واذا بتعرفين ليش سالي اهل الدائره الثانيه شقاعد يسوي واتمنى يكون دفاعج عنه لجهل عما يفعله وليس فقط لانه حضري وهذاك بدوي
وريلج وينه مختفي؟
و ألف آآآآه بعد ، التربية ثم التربية
ما نقول الا حسبي الله ونعم الوكيل :(
وكل الشكر لك أن ما جمعتي كم انت راقية
دمتي بخير عزيزتي
hehehehe
ystreeeee7 :p
سلامتج من القهر
مو جنج متحيزة
ليش ما ذكرتى سبب الهوشة
وبداية غلط الصقر على الدكتور
انتى مو ملاحظة ان الصقر غلط على الرجال وقالة دينصور مو عيب هالكلام
انا بصراحة احسد الدكتور حسين السعيدى على برود اعصابة لو انا مكانة جان قمت وكفخت الصقر وعلمتة شلون يتكلم مع عيال الحمايل
بس الى برد جبدى ان محمد الصقر طلع جبان
اول مرة اشوف الصقر جذى صار زرزور
http://www.youtube.com/watch?v=22lA58NGZN0
لاحظى انا ما جبت طارى بدو وحضر لانى ما اقدر اغلط على احد لان كلهم اهلى واخوانى
بالنهاية اتمنى نبقى اخوان
ونرتقى بخلافتنا
اكو ناس ما يفرقون بين اختيار الحزب اللي يضم الرجل والمراة والسني والشيعي والحضري والبدوي والعيمي يعني كل اطياف المجتمع وبين الحزاب الطائفية والتجمعات القبلية للاسف
هالاشكال ما يعرف لها الا امثال الصقر
تبين الصج الاثنين ما قصروا
واذا الصقر ما يقدر يحكم اعصابه خل يقعد ببيتهم
بو تشخيص
اي والله
بس والله حرام يمثل دائرته ولا قبيلته
الخيلاء
ان لم تستح فافعل ما شئت و هذا اللي سواه غلط على الريال جدام الله و خلقه و فوق هذا راح يمثل فئة محترمة من الشعب والله فشلة
مسموح ياللي تتعذر ... مسموح لو ما تتعذر :****
حسافتج يا كويت
صاج ياخوي
والمشكلة كل من يقول عن نفسه انه الفئة المظلومة و جنه احنا بيدنا خيزرانة و اللي يتنفس نطقه !!
الشكوى لله
و عسى الله يحفظ الكويت من كل شر يارب
العرزالة
ليش النظرة العنصرية منهم ؟
و ليش دايما متهمينا احنا انا عنصريين ؟
و ليش التفكير السلبي ضد الحضر بهالطريقة ؟
ترى أغلب الحضر أصولهم قبلية بس تحضروا !!
زين طلعت الصجية قبل لا ينحسب علينا نائب و اتمنى من قلبي انه عيال دائرته ما ينتخبونه والله مو عنصرية بس شلون ارضى بواحد لسانه طويل و يسب و يجرح بعيال خلق الله انه يمثلني ؟
اتمنى من الكل انهم يحطون الكويت فوق اي اعتبار بالانتخابات ترى بذمتكم
eng_q8
بالبداية كلش ما كنت حاطة ببالي سالفة بدوي و حضري اعتراضي كان على الاسلوب
يعني لو كان العكس و الصقر هو اللي غلط عليه كان راح يصير نفس الموقف
المسألة مسألة مبدأ هني
انا شخصيا ما أرضى أحد يغلط علي و لا أحد يرضى انه يغلطون عليه
فما بالك إذا كان الغلط صاير في محطة فضائية و كل اللي يعرف عربي راح يفهم
و فوق هذا ان الغلط صار بين ناس مرشحين نفسهم لمنصب يمثل دولة تمثيل رسمي بالخارج و بالداخل
شلون اخلي ناي بالمجلس بهالاسلوب
يعني حتى لو السعيدي كان على حق ... قلنا "لو" راح اتنرفز من طريقة طرحه للموضوع و اسلوبه الجارح و راح يخلي الناس تبتعد عنه بدال ما يجذبهم
و ماكان دفاع عن شخص الصقر و لا كره في شخص السعيدي
وسلامتك
bass
سلامتج من الآه بس بهالموقف ما عندنا غيرها و الله يعين ان شاء الله
صدقتي التربية ثم التربية
الله يحفظج
selezya
شر البلية ما يضحك
يا زين راحة البال والله
منورة
: )
المنطقة المحايدة
الله يسلمك من الشر ان شاء الله
ناخذها وحدة وحدة ... : )
انا متحيزة لأ
أقولك ليش
كتابتي لهالموضوع لسبب واحد فقط لا غير
اللي اهيا الاسلوب الجارح و مو من اي شخص ... من شخص في احتمال انه يكسب الانتخابات و يمثل قبيلته المحترمة او دائرته المحترمة او حتى نفسه المحترمة ... اختلافي مو لشخص الدكتور اختلافي باسلوبه
و في محطة فضائية كل واحد يعرف عربي راح يفهم اللي صاير
والمقاطعة اللي تصير من صوبه كل ما تحجى الصقر ما يعطيه فرصة موليه
و ديناصور شرحها الصقر شنو اللي يقصد فيها و هذا اكبر دليل انه الدكتور ماكان يسمعه
القصد منها انه موضة قديمة او تفكير ما يماشي التفكير العصري مو مسبة !!! مثل تخسا و لا يقول للمذيع جيبوا ناس مؤدبة !!! انا متحيزة ؟
و بعدين الله يهديك ياخوي تحسد الدكتور انه بس قاله تخسى ؟
و تقول الصقر جبان و صار زرزور؟
وبالاخير تقول نرتقي باختلافاتنا ؟
مو راكبة !!
والله القصد انه الاسلوب الجارح من الطرفين مرفوض و نطمح للاسلوب الراقي من غير سب و تجريح
حتى لو اختلفنا كل واحد له رايه و نحترمه و ما نسعى لتهميش دور اي احد في بنا الكويت و حبها
نرتقى بخلافتنا
هالكلمتين نحط تحتها مليون خط
فتى الجبل
يالله انك ترزقنا الحكمة و البال الطويل
راح نسمع حجي ماله والي
و بالذات هاليومين
فريج سعود
بني آدم و مو معصوم من الخطأ و بالذات لي صار اهوا المغلوط عليه في قناة فضائية و كل من يشوفه
وكم من عائب قولا صحيحا
وآفته من الفهم السقيم
من الغباء تشبيه انتخابات الحزب الديموقراطي والجمهوري بالانتخابات الفرعية لدينا !!
سدرة
مع احترامي
لا الصقر ولا السعيدي كفو
لا ديناصور ولا خراتيت
واحد قزر عمره كله بين المدرجات يصرخ على الحكام والفلسطن يكتبون مقالاته وافتتاحياته
والثاني لو يحصل له يخلي الكويت حق بني عمه
صوتي حق خالد الملا
بو حنان واقطع
بشوت دشت الميلس
عمامة دشت
نبي بنغز
محسد
عيزنا و احنا نشرح الفرق بين الأحزاب و الفرعيات
بس يا اهما يتيغشمون و لا صج أغبيا
!!!!
ولد الديرة
انا مادافعت عن احد
انا اتكلم عن الاسلوب الجارح و السب و الشتم
هذا مو مستوى مرشحين يدد او سابقين بغض النظر عن المبدأ
تفضلو بزيارة موقعنا والذي ينقل آخر الاخبار والتطورات في الدائرة الثانية بكل شفافية بدون اي تحيز لأي مرشح كان
وأرجو من صاحب هذاالموقع ان ينشر عنوان موقعنا وشكرا
http://ommah2.blogspot.com
أستغربت أن حتى الدكتور فيهم يقول : أنتوا تنظرون لنا نظرة دونية ونظرة أستحقار
تصوري هذا وهو دكتور !!!!!ء
ماااا أدري أشهالحقد اللي في قلوبهم علينا
مااااا أدري ليش يحسون بالنقص !!؟؟
هذا عيل ليه صار نائب بجند له جيش لمحاربة الحضر والعوائل
أعنبوك استح كلنا كويتيين
شنووو نظرة أستحقار !!؟؟
آآآآآه على ديرة هلـــي
معلش سدرة
انا ما اعرف الديناصور
لكن الصقر جحش محنى بالعيد
وجهة نظر ليس الا
هذا ترى دكتور شريعة
يعني المفروض يكون قدوة باخلاقه
مو يقوله انت و اللي جابك
بغض النظر عن الخلاف شنو اهو ..بس في اسلوب المفروض
بعدين اعنبوا داره مسويلي فيها مظلومية و مو باقي الا يلطم
ما يشوف الكويت شلون خيرها عام الكل حضر و بدو و سنة و شيعة
و الله الكويت اللي مخليته ريال
اشوفه لو بديرة ثانية قدر يبنبع جذي
خل يولي بس
الدائرة الثانية
إن شاء الله ... و مشكورين
dilli o milli
ألحين كل من يقول عن نفسه انه من الفئة المظلومة والله محد مظلوم غيرنا اللي ابتلشنا بهاللفو
ولد الديرة
أعيد و أزيد و أكرر
مالي شغل بشخص الصقر و لا السعيدي
موضوعي كان عن الاسلوب المستخدم من نائب سابق و مرشح نفسه و مرشح يديد بغض النظر عن مبدأهم أو مسألة الاختلاف
mtfa2el
ألحين استغفر الله خوفك هالايام من دكاترة الشريعة اللي يستخدمون الدين بالسياسة
الشكوى لله
اوضحت المهلومه :)
والاقليه وانا اخوج اهم الكويتيين مع الاسف
سدره انا شفت الفيديو
وعلى كثر ماكان السعيدي خواره
الصقر اردى منه
تدرين ليش
لانه الشخص لما يكون له باع طويل بالسياسة المفروض يعرف عدل اشلون يحكم اعصابه جدام خلق الله
تصرفة بالنسبه لي كان تصرف مصبنه بالسكه يتهاوشون
وردوده وانفعاله ماله مبرر
لا تقولين تنرفز
اسمحيلي لو اللي جدامه شخص ثاني
من غير ذكر اسماء
جان عرف يمسك اعصابه
حتى لو تطور النقاش
وانا معاج
للاسف انه هذا مستوى الرجاااال بالبلد
؟
eng_q8
اهم شي المهلومة
: )
vancouver
صاجة ياوخيتي
و معاج كل اللي قلتيه
و مو قاعدة احاول ابرر موقف الصقر
بس إذا شخص قاعد يداحرج من بداية الحلقة و ما يعطيج فرصة تكلمين و بالاخير يغلط عليج و فوق هذا كله انه ضد تطبيق القانون ( الفرعيات ( شنو تكون ردة فعلج؟
و حطي ببالج انج مو معصومة من الغلط و كل انسان له طاقة تحمل حتى لو كان سياسي ليش الثاني ماعليه قاصر دكتور بالشريعة و على باب انه يدخل السياسة
الغلط راكبهم اثنينهم الصراحة
الاسلوب لازم يرتقون فيه و لازم اثنينهم يضبطون نفسهم و يبتعدون عن شعار المظلومية و خرابيطها
ابتلشنا !!!
شسالفه
سدرة ما عليه بداحرج انا شوي :)
شلون مالج شغل بشخص الصقر
شخص الصقر قذر
جدا
واذا انتي ما تعرفينه انا اعرفه
وايد قذر مو شوي
وهذا انتي اللي كتبتيه
"
نصيحه من قلب من بنت الشامية و من سدرة العشاق للصقرلا تقبل بمثل هالمقابلات مع نوعيه مثل السعيدى....لانها يمكن تضرك لانه ينفعل بسرعة ولانه من صج يطلعون الانسان من طوره
"
ينفعل بسرعة :)
خل يقعد بروحه
اذا رئيس خربطان عربي
و عضو مجلس امة
و جنه صج بالقبس
و جنه كان صج بنادي الكويت
ومع كل هذا لي الحين قذر
ليش نلوم السعيدي اللي مولود بالبر؟
سامحيني
لكن راجعي الموقف شوي :)
بعدين ليش ما يستفيدون من تجربة الجويهل
لكه وروح المقابلة
يا معودة لا تزعلين علي
36
mok
السالفة ومافيها ياطويل العمر انه اثنين منزلين روحهم بالانتخابات واحد عمره السياسي أطول من عمره الصجي (تعبير مجازي) والثاني دكتور شريعة بس الاسلوب الله بالخير وكله تجريح
وسلامتك
الغالي ولد الديرة
داحر على كيفك بالي وسيع : )
الصقر قذر نظيف مو موضوعي
والاقتباس اللي خذيته من كلامي وأقول فيه لا تقعد مع ناس حاقدين على الحضر .. صح ... الريال ماغلط على البدو عشان الأخ يغلط على الحضر وماعطاه فرصة يتحجى كله يقاطعه وفوق هذا غلط عليه .. اثنينهم اشتطوا واثنينهم غلطوا بس منو اللي بدا ؟ وياليت اللي غلط كان على حق كان مع الفرعيات ... اتفقت مع الصقر على تطبيق القانون وعدم قانونية الفرعيات
واللي مولود بالبر مو المفروض يتهيأ ويتعلم الاسلوب الزين دام انه ناوي يمثل منطقته سياسيا
العصبية والشطة واردة جدا على مصلحة الكويت موعلى مسائل شخصية .
وماكو زعل ولا يحزنون أفا عليك خذ راحتك وإذا في شي قلته غلط واللي يرحم والديك صلح لي
: )
سدرة
اشكرج على سعة صدرج
كل من يرى من زاوية هو فيها
و زواياهم عندي وحدة
مصلحة
يسلموا :)
ولد الديرة
حياك الله
و احترم وجهة نظرك
: )
و من هو السعيدي لكي يتفوه على عيال الديرة بهذا الكلام و بكل بجاحة يحاول تأليب القبائل على الشعب الكويتي الذي معظمه من قبائل تعددت أصولها و إختلفت مضاربها إرتضت أن تعيش في الكويت بعيد عن جو القبلية العصبية أو الطائفية العمياء
السعيدي لمن لا يعرف من هو عليه بمراجعة تاريخه و مقارنته بفترة بقائه في الكويت
السعيدي الذي يتغنى بالوطنية عليه أكثر من علامة إستفهام وهناك بعض أفراد هذه العائلة يسيؤون للكويت من خلال ممارساتهم الشاذة في بيع الإقامات و كروت الزيارة للوافدين و محاولتهم الدؤوبة لتجنيسهم على حساب الكويت و ذلك لحشد أكبر عدد ممكن من الهيلق الداعمين لأفكارهم البالية
ثانكس سدرة
بو زيد صديق اجد عنده المغثة و كل ماهو غير صالح للنشر
يسولف لي مرة عن موقف حصل له بعد التحرير مباشرة
يقول
في احد المغربيات ياني صديق من اكبر العوايل الكويتية و عطاني خمسين صورة جواز
يقول قلته له شنو هذيل؟ متعاونين؟
قال لااااااا
هذيل سواق و خدم
شوف اذا احد يبي ولك اربعين دينار على كل راس
يقول بو زيد من كثر ما كنت منصدم ما قدرت اقطهم بويهه
من باجر يوقل اتصلت عليه وقلت له يا اخوي انا مسافر و ما عندي احد
القمندة
التلاعب و الغش و التزوير ما يعرف حضري بدوي سني شيعي
يعرف انه الشخص يكون
Dog son of 16
الله ياخذكم
عنبو داركم كثروا اللقطاء
كثرت الجريمة
كثرت مطاعم القيمة
بس يا حسين
بس يا الصقر
ويهين لعملة مصدية لا بارك الله فيكم وفي قلطة الوطن و في الساحل و المدينة
الإعلامية
سدرة
لي الحين عندي رصيد والا مصختها؟
:>
عبثي
مشكور و عسى الله يوفق كل واحد يحط مصلحة الكويت قبل مصلحته ان شاء الله
عتيج الصوف
شفت شلون
نقطة ثانية قصدتها و خلتني اشتط مع الصقر انه هذا قاعد يتطاول و يهمش دور عيال العوائل الحضرية اللي لها اكبر دور في تعمير و بناء كويت الماضي و الحاضر و المستقبل ان شاء الله
يعطيك العافية
ولد الديرة
معاك والله فاهمتك
واللي سواه اللي ما يخاف الله يسويه اي واحد ماله شغل بأصله و لا بجنسه و لا بديانته
التربية ياخوي التربية
وبغض النظر عن ماضي الصقر و حاضره
وقفت معاه في هالمقابلة فقط لأنه يدافع عن عيال الحضر و شلون لهم دور كبير في تأسيس و بناء الكويت و الاخ قاعد يهمش دورنا من جذي اشتطيت
وراح اوقف معاه متى ما شفت الفكرة زينة و مصلحة الكويت فيها
افا عليك شيل و حط المكان مكانك و رصيدك ما يخلص ولا بعد مليون سنة
حشى احمسة لول
هذا النقاش اللي اقصده كل واحد مطول باله و ياخذ و يعطي لا سب و لا تجريح حتى لو اختلفنا
يعطيك العافية ولدنا
: )
No Comment !
zgombey
: )
سدره
النيولوك
بياااااااااااخد العئل
!
هههههههه
ينن ماشاءالله
vancouver
ويييييييي سكتي عفست الدنيا لووول على مالقيت هذا اللاي آوت
ابي شي لونه ازرق مالقيت شي يازلي
عيونج الحلوة ميرسووووووووو
:***
لول الصقر بعد ما قصر فيه
يقول انا لو ادري بتقابلوني مع هالديناصور جان ما ييت ..
تبون الصج انا لو مكان الصقر مو دفاعا عنه لانه ما قصر بس لان جد مو شي لما الواحد يتكلم ويطلع له واحد كل شوي ناقز ومقاطعه
على الرغم ان الصقر قال قبايل الكويت على راسي وذاك ما قال حتى يسلم راسك
شكرا سدرة
مدونه ممتعه بصراحة :)
Post a Comment