اول شي السلام عليكم شلونكم عساكم بخير و صحة؟
اسفة عن الانقطاع الفجائي اللي يه
سبب الغيبة و سبب عوار القلب .... اهوا الدوااااااااااااااااااااااااااام و آآآخ من الدوام
يعني اللي يبي يصير فيه احباط و كسرة نفس ايي دوامي و الله تصدقون محد عايش فيه إلا اللي شهادات المتوسطة بعد مو الثانوية إلا المتوسطة
عندي مشروع الله يسلمكم الفرووووض مدتة 16 شهر بالعربي سنة و 4 أشهر بس الله وكيلكم صارله 5 سنين و داشين بالسادسة و ليلحين بالغصب وصلنا نصه !!! و السبة المكاتب الداثرة اللي نتعامل معاها شي يقهر الصراحة
عشان تكونون على الخط طريقتنا
نطرح المشروع مناقصة و مكاتب هندسية وايد تقدم و اللي يفوز منها 3 مكاتب و نسوي تقييم عليهم
الناس الطبيعية اللي بكامل قواها العقلية تختار الاول و الثاني و تشيل الثالث كونه اقل مستوى من الناحية "الفنية" بس احنا عندنا العكس نشيل اللي طالع الاول و ناخذ الثاني و الثالث و بعد ما نختار الثاني و الثالث نسوي هم تصفية ثانية و نختار منو ؟
نختار الثالث اللي يكون اردى واحد بالفكرة التصميمة بس ليش اختاروه ربعنا ؟
لأنه الارخص !!!
طاقكم الفقر يعلكم الفقر ليش جذي؟
و الله اشوف جذي قلبي يتحسر على اللي بالمركز الاول اللي تعب و ماخذ احسن ستاف مشغله عنده و حتى اوراق التقديم طالبهم من بره عشان يكونون على مستوى يعني شي متعوب عليه والله
و الثالث اوراقه حتى اوراق الجريدة أحسن منه شنو هذا ؟
تكلمنا و تحجينا و تحلطمنا و حتى اضراب انا سويت الباجي ما سوو ... و الزبدة ما قاموا يخلوني اقيّم و سبتهم اني كله معطلتهم و كله مخالفتهم !!! بالاخير قلت بالطقاق حارقة قلبي بروحي ليش؟
و مرة عطونا تقييم المكاتب لنفسهم اذا هالمكتب زين ينفع نرسي له مناقصة بالمستقبل و عشان ما احط بذمتي قعدت بالتقييم فترة اطول منهم اللي يستاهل عطيته درجة و اللي ما يستاهل لو بيدي اعطيه تحت الصفر جان عطيته
تهقون شللي صار ؟
بنفس الشهر اللي قيّمت عطوا المكتب الردي مناقصتين بدال وحدة !!! مادري السالفة عناد أو مادري شالسالفة
والله العظيم ماراح آخذ شي من المكاتب اللي مقيمتها عدل و ما بيني و بين المكاتب اللي معطيتهم صفر شي قاعدة اقيم من الناحية الفنية من ناحية الشغل فقط لا غير بس منو تحاجي والله لو احاجي الطوفة جان فهمت
و المشكلة انه اغلب مو كلهم اللي معاي صغار بالسن يعني شايفين حال الديرة و عيزنا و احنا نتحلطم بس حزة الصجية يشوفون مصالحهم !! مادري انا عوية و لاّ غلط و لاّ شالسالفة
ما اقول غير استغفر الله و الله يعينج يا ديرتي على عيالج
و سامحوني اذا طولت عليكم بس من حر ما في قلبي والله جد جد افكر استقيل
26 comments:
استقيلي شنو وراج
هلا باللي لفانا يا هلا به
و ربي مكانج مبين
ترى بزعل عليج
جذي تغيبين عنا و لا تسالين
:(
يا هلا ومرحبا
يا مطول الغيبات وييييين الغنايم
؟؟؟؟
ليش القطاعه ؟؟
علييج غياب وخصم وانذار
؛)
الله يعينج علي الدوام ومشاكل وتحلطم الشغل الي يرفع الضغط
وهذي الكويت وصلوا علي النبي
تحياتي يالغاليه
حياج
ويعطيج العافية
بعد مو ناقصين كافي الجو
:(
والله انتي بطلة ما شا ءالله
حياج مرة ثانية
وتحلطمي لما تحسين ان مرتاحة حبيبتي
:)
أهم شيء أنج بخير و سلامة :))
الحمدالله
بعدين أرد أتحلطم معاج
trkehom 3nch :P O ghayray dawamch oro7ay mkan t7bena a7sn :D
ويقولون الحكومة اصلاحية؟
ويقولون الكويت مركز مالي وتجاري؟
هذي الكويت صلي على النبي
يمكن لأي مسئول أن يطلب نسخة من قانون مناقصات دبي و نماذج التقييم و يتعرف على عمل الدول المتحضرة
على فكرة هل تعرفين من هو رئيس إتحاد المكاتب الإستشارية المحلية؟
مبارك فهد الدويلة
:)
ماقالج ريلج ابتسمي انتي بالكويت
زين تسوين فيهم والله
ودي اشوف الكويت مهتمه بالكفاءات بشكل عام
(ما اعتقد مستحيل وادري انه مجرد حلم )
سمله على قلبج يالغالية
رقعيهم بالطوفه ولا يهمج خيتوو
عاد الزم ماعليج راحتج
اشتقنالج
salamz sis...
mok
وراي رد الجميل لهالديرة اللي علمتني و درستني هذا اللي وراي
قاعدة على قلبهم
: )
darkness
هلا بالشيخة هلا حبيبتي
كلش و لا زعلج .. بس والله كنت منقهرة و منبطة جبدي
حقج علي و آخر مرة المرة الياية اعطيكم تنبيه
:*****
صبا
ماكو غنايم دام هذي حكومتنا
لوووول لو على الخصم تعودت كله ايي متأخر الدوام و كله رايحة علي نومة
: )
الله يعين الجميع حبيبتي
و سألت عنج العافية
:**
مرحبا سدرة العشاق
اف على الدوام
و على الناس اللي مب بروفشنل مولية
يا ربي أعاني أنا بعد
!!
manalq8
الله يحييج و يعافيج حبيبتي
اي والله كافي علينا الجو بس شنو عندنا غير التحلطم
الله كريـــم
بس
بعد قلبي مشكووورة على السؤال و المحاتاة ما قصرتي
:*****
fskra
ياهلا و مرحبا
وين اتركهم عني خل يتركوني بالاول و يعطونا فرصة نثبت وجودنا
: )
فتى الجبل
المهم انت شخبارك عساك بخير بس ؟
: )
حلم جميل بوطن أفضل
I KNOW
وشنو اللي ذابحنا غيره؟
شوف الخفقات اللي بشوارع الكويت شزينها كل وحدة اقوى من الثانية
خلني ساكتة بس
الشكوى لله
eng_q8
ل يبتسم اهو اول بعدين انا
: )
kuwaitaway
ماني قايلة عشم ابليس بالجنة لانه احنا مو اباليس و قاعدين نطالب بتنمية الديرة و تطويرها و الشغل بضمير
بس الله كريم
5roofa
هلا و غلا ابلتنا
شخبارج عساج بخير ان شاء الله ؟
وينا وين الراحة و احنا مجابلينهم 8 ساعات كل يوم
تشتاق لج العافية يالغالية
:***
|:| dubai |:|
الله يبعد عنكم خمالنا و كسلنا
و عسى الله يعينج و يعين الجميع ان شاء الله
: )
لا تستقيلين
اذا كل واحد يقول جذى الديرة بتضيع
خلى نفسك الاطول
و بعدين هدديهم بتفضحينهم و يخافون
انا اسوى فيهم جذى
صج مجمدينى على الخفيف لكن يخافون منى
على نفسها جنت براقش
الكلمة طلعت مع التحلطم بس قاعدة على قلوبهم صارلي 6 سنين اقول بستقيل لووول
: )
Post a Comment