Back : )

الله بالخير

شلونكم شخباركم عساكم بخير ان شاء الله

بهالغيبة اشياء صارت ماكنت حاسبة لها حساب مولية بعضها حلو و بعضها مو شي

احلى شي صار اني احتفلت مع فتى الجبل بعيد زواجنا الثاني الحمدلله و عسى الله يتمم علينا و يوفقنا و يوفق الجميع ان شاء الله

سافرنا و استانسنا الحمدلله ما مدانا نتهنى إلا خدامتي مسوية سوايا ما ينسكت عنها و رديتها و طلبت وحدة ثانية

ووصلتني شكلها زوين شقردية و من يتني و اهي قاعدة و تمدح بعمرها لجتني و انا ساكتة عنها و اقول لو فيج خير جان ما عافوج اللي

كنتي عندهم قبل بس شقول شر لابد منه

المهم احلى مافيها الجباتي و اللقيمات اللي تسويهم

و عقبها امي سوت عملية و الحمدلله كل شي أوكي

ما مداني اتهنى بسلامة امي إلا خدامتي اليديدة بدت اتعنفق و تبي تطلع كل اسبوع بعد الراهية ما تبي كل شهر لا تبي كل اسبوع

وفوق هذا تبي اخوها يزورها عندنا بالله وين تقعدين وياه الشقة كلها هالتبيييين و متى بتشتغلين حضرتج اذا بتطلعين كل اسبوع و تبين اخوج اييج

المهم رديتها و ألحين ناطرة الثالثة

وبس سلامتكم و تعيشون

صراحة الداااااااااااااااااد حق اللي ماعنده خدامة

وسوري لجيتكم بأول بوست من بعد غيبة

اي و فتى الجبل يسلم عليكم و شكله ما بإذنه ماي يرد حق التدوين بس ما يندرى جود الله و حكمته

جنه هالبوست مخربط و لويه ماعليه من زمان ما كتبت و تحلطمت

و صج صج صج ولهت عليكم كلكم

و سألت العافية عن اللي سأل و اللي ما سأليعلكم ما تفقدون غالي ان شاء الله

حفظكم الرحمن